ရေကြည်မြို့နယ်၌ လမ်း/တံတားလုပ်ငန်းများ တာဝန်ရှိသူများ ကြည့်ရှုစစ်ဆေး
ထုတ်ပြန်သည့်ရက်စွဲ: 05 Sep 2026 | တည်နေရာ: ဧရာဝတီတိုင်းဒေသကြီး | ရေကြည်မြို့နယ်
ရေကြည် စက်တင်ဘာ ၄
ဧရာဝတီတိုင်းဒေသကြီး ရေကြည်မြို့နယ်၌ ကျေးလက်လမ်းဖွံ့ဖြိုးရေးဦးစီးဌာနက ၂၀၂၆-၂၀၂၇ ဘဏ္ဍာနှစ် တိုင်းဒေသကြီး (ငွေလုံးငွေရင်း) ရန်ပုံငွေဖြင့် ဆောင်ရွက်လျက်ရှိသော ကညင်ငူ-နွားရေတိုက်-ငါးတဲစုလမ်းကွန်ကရစ်ခင်းခြင်း လုပ်ငန်းဆောင်ရွက်နေမှုများကို စက်တင်ဘာ ၃ ရက် မွန်းလွဲပိုင်းတွင် ကျေးလက်လမ်းဖွံ့ဖြိုးရေးဦးစီးဌာနမှ ပုသိမ်ခရိုင်လက်ထောက်ညွှန်ကြားရေးမှူး(မြို့ပြ)နှင့် တာဝန်ရှိသူများက ကွင်းဆင်းစစ်ဆေးပြီး သတ်မှတ်ကာလအတွင်း ပြီးစီးနိုင်ရေး၊ လုပ်ငန်းများ အန္တရာယ်ကင်းရှင်းစွာဆောင်ရွက်ရေး၊ စံချိန်စံညွှန်းများနှင့် အညီ ဆောင်ရွက်ရေးတို့ကို မှာကြားသည်။
အဆိုပါလမ်းဆောင်ရွက်ပြီးစီးပါက ကျေးရွာပေါင်း ၂၇ ရွာရှိ ပြည်သူ ၈၀၀၀ ကျော် ရာသီမရွေး အဆင်ပြေလွယ်ကူချောမွေ့ စွာသွားလာနိုင်မည်ဖြစ်ကြောင်း သိရသည်။
ကိုကိုဇော်