ကတ္တရာလမ်းခင်းခြင်းလုပ်ငန်း ကွင်းဆင်းစစ်ဆေး
ထုတ်ပြန်သည့်ရက်စွဲ: 30 Oct 2026 | တည်နေရာ: မန္တလေးတိုင်းဒေသကြီး | ကျောက်ဆည်မြို့နယ်
ကျောက်ဆည် အောက်တိုဘာ ၂၉
မန္တလေးတိုင်းဒေသကြီး ကျောက်ဆည်မြို့နယ်၌ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာနက ၂၀၂၆-၂၀၂၇ ဘဏ္ဍာနှစ် ပြည်ထောင်စုငွေလုံးငွေရင်းရန်ပုံငွေကျပ် ၁၁၉ ဒသမ ၅၁ သန်းဖြင့် ဆောင်ရွက်လျက်ရှိသော ကျောက်ဆည်-တံတားဦးလမ်းမှ ညောင်ရွှေ ကြက်လျှာလမ်း(၀၂)မိုင် ကတ္တရာခင်းခြင်းလုပ်ငန်း ဆောင်ရွက်ပြီးစီးမှုကို ယမန်နေ့တွင် ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)၊ အင်ဂျင်နီယာချုပ်(မြို့ပြ)ဦးလှခိုင်က ကွင်းဆင်းစစ်ဆေးပြီး တာဝန်ရှိသူများက ရှင်းလင်းတင်ပြရာ လိုအပ်သည်များ မှာကြားသည်။
အဆိုပါလမ်းပြီးစီးပါက ကျေးရွာပေါင်း သုံးရွာ၊ အိမ်ခြေ ၃၈၆ အိမ်၊ လူဦးရေ ၁၅၉၀ ၏ ပညာရေး၊ ကျန်းမာရေးနှင့် ကျေးလက်ထုတ်ကုန်များ ဈေးကွက်သို့ တင်ပို့ရောင်းချရာတွင် များစွာအကျိုးပြုမည်ဖြစ်ကြောင်း သိရသည်။
သက်မောင်(ကျောက်ဆည်)